Banakal News ನಮ್ಮ ನಡೆ ರೋಚಕ ಸುದ್ದಿಯ ಕಡೆ
ಬಣಕಲ್ :ಫೇಸ್ ಬುಕ್ ಅಪ್ ನಲ್ಲೂ ನೀವು ವ್ಯವಹಾರ ನಡೆಸಬಹುದು.ನಿಮಗಿಷ್ಟವಾಗಿದನ್ನು ಆರ್ಡರ್ ಮಾಡಿ ಕೊಂಡುಕೊಳ್ಳಬಹುದು ಎಂಬ ಜಾಹಿರಾತನ್ನು ನೋಡಿ ಬಸನಿ ಗ್ರಾಮದ ಅನಿಲ ಎಂಬುವವರು ಇ ಕಾರ್ಟ್ ಎಂಬ ಲಿಂಕನ್ನು ಓಪನ್ ಮಾಡಿದ್ದಾರೆ 1000rs ಬೆಲೆಗೆ ಉತ್ತಮ ಗುಣಮಟ್ಟದ ಜೋಡಿ ಶರ್ಟ್ ಆಫರ್ ಇದ್ದಿದರಿಂದ ನೋಡಿ ಇಷ್ಟವಾಗಿ ಖರೀದಿ ಮಾಡಲು ಮುಂದಾಗಿದ್ದಾರೆ.ಆರ್ಡರ್ ಮಾಡಿ ಗೂಗಲ್ ಪೇ ಮೂಲಕ ಪೇಮೆಂಟ್ ಕೂಡ ಮಾಡಿದ್ದಾರೆ. ಆದರೆ ಆರ್ಡರ್ ಬಂದಾಗ ಆನ್ಲೈನ್ನಲ್ಲಿ ಆತ ಬುಕ್ ಮಾಡಿದ್ದೇ ಒಂದು ಆದರೆ ಆನ್ಲೈನ್ ಕಂಪೆನಿ ಪಾರ್ಸೆಲ್ ಕಳಿಸಿದ್ದೆ ಇನ್ನೊಂದು..ಇವತ್ತು ಪಾರ್ಸಲ್ ಬಂದಾಗ ಯಾಕೋ ಅನುಮಾನ ಗೊಂಡು ತಕ್ಷಣವೇ ಕಿರಣ್ ರಾಜ್ ಎಂಬುವವರು ಅದನ್ನು ಓಪನ್ ಮಾಡಿದ್ದಾರೆ. ಓಪನ್ ಮಾಡಿದವರಿಗೆ ಆಶ್ಚರ್ಯ ಕಾದಿತ್ತು. ಆನ್ಲೈನ್ ನಲ್ಲಿ ಬಂದ ಕೊರಿಯರ್ ಪಾರ್ಸಲ್ ನೋಡಿ ಈ ಗ್ರಾಹಕ ಬೆಚ್ಚಿ ಬಿದ್ದಿದ್ದಾರೆ.ಗುಣಮಟ್ಟದ ಶರ್ಟ್ ನ ಬದಲು ಬಂದಿದ್ದು ಹರಿದ ಬಟ್ಟೆ. ಇದರಿಂದ ಕುಪಿತಗೊಂಡ ಅವರು ಡೆಲಿವರಿ ಹುಡುಗನಿಂದ ಹಣವನ್ನು ವಾಪಾಸ್ ಪಡೆದಿದ್ದಾರೆ. ಹರಿದ ಚಿಂದಿ ಬಟ್ಟೆಗಳನ್ನು ಪ್ಯಾಕ್ ಮಾಡಿ ಕಳುಹಿಸಿದ ಇ ಕಾರ್ಟ್ ಎಂಬ ಮಾರ್ಕೆಟಿಂಗ್ ಕಂಪನಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ರೀತಿಯ ಆನ್ಲೈನ್ ಶಾಪಿಂಗ್ ವಂಚನೆ ಪ್ರಕರಣಗಳು ಒಂದಾದ ಮೇಲೊಂದರಂತೆ ನಡೆಯುತ್ತಲೇ ಇದೆ. ಒಂದೆಡೆ ಮಳಿಗೆಗಳಿಗಿಂತ ಕಡಿಮೆ ಬೆಲೆಗೆ ವಸ್ತುಗಳನ್ನು ನೀಡುವ ಆನ್ಲೈನ್ ಶಾಪಿಂಗ್ ತಾಣಗಳು ಒಳ್ಳೆಯದು ಅನಿಸಿದರೆ, ಈ ರೀತಿಯ ಘಟನೆಗಳು ಆನ್ಲೈನ್ ಮೇಲಿರುವ ನಂಬಿಕೆಗೆ ಅಡ್ಡಗಾಲಾಗಿದೆ.*ವರದಿ :ಸೂರಿ ಬಣಕಲ್*
