ಬಣಕಲ್ ದಸರಾ ಕಾರ್ಯಕ್ರಮಕ್ಕೆ ಅದ್ದೂರಿ ತೆರೆ: ಭಕ್ತಿ ಸಡಗರದಿಂದ ಶಾರದೆ ಮಾತೆಯ ವಿಸರ್ಜನೆ

ಬಣಕಲ್ ದಸರಾ ಶರದೋತ್ಸವದ ಒಂಬತ್ತು ದಿನಗಳ ವೈಭವದ ಸಾಂಸ್ಕೃತಿಕ ಹಾಗೂ ಧಾರ್ಮಿಕ ಆಚರಣೆಗಳಿಗೆ ಅದ್ದೂರಿ ಶೋಭಾಯಾತ್ರೆ ಮತ್ತು ವಿಸರ್ಜನಾ ಮಹೋತ್ಸವದೊಂದಿಗೆ ತೆರೆ ಬಿದ್ದಿದೆ.
ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ತಾಲೂಕಿನ ಪ್ರಮುಖ ಕೇಂದ್ರವಾದ ಬಣಕಲ್‌ನಲ್ಲಿ ಪ್ರತಿ ವರ್ಷದಂತೆ ಈ ಬಾರಿಯೂ ಶರನ್ನವರಾತ್ರಿಯ ಅಂಗವಾಗಿ ಪ್ರತಿಷ್ಠಾಪಿಸಲಾಗಿದ್ದ ಶಾರದಾ ದೇವಿಯ ಮೂರ್ತಿಯ ವಿಸರ್ಜನಾ ಪೂಜೆಯನ್ನು ಅತ್ಯಂತ ಸಡಗರದಿಂದ ನೆರವೇರಿಸಲಾಯಿತು.

ಭವ್ಯ ಶೋಭಾಯಾತ್ರೆ: ಮಂಗಳ ವಾದ್ಯಗಳು, ಆಕರ್ಷಕ ಸ್ತಬ್ಧಚಿತ್ರಗಳು (ಟ್ಯಾಬ್ಲೋಗಳು), ಹಾಗೂ ಶಾರದಾ ದುರ್ಗಿ ವೇಷದಾರಿಗಳು, ಜಾನಪದ ಕಲಾತಂಡಗಳ ಮೆರವಣಿಗೆಯು ಶೋಭಾಯಾತ್ರೆಗೆ ವಿಶೇಷ ಕಳೆ ತಂದಿದ್ದವು.

• ಭಕ್ತ ಸಾಗರ: ಬಣಕಲ್ ಹಾಗೂ ಸುತ್ತಮುತ್ತಲಿನ ಹಳ್ಳಿಗಳಿಂದ ಸಾವಿರಾರು ಭಕ್ತರು ಶೋಭಾಯಾತ್ರೆಯಲ್ಲಿ ಭಾಗವಹಿಸಿ, ದೇವಿಯ ದರ್ಶನ ಪಡೆದು ಪುನೀತರಾದರು.

ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಾಗಿದ ಮೆರವಣಿಗೆಯುದ್ದಕ್ಕೂ ಭಕ್ತರು ಶ್ರದ್ಧಾಭಕ್ತಿಯಿಂದ ನಡೆದುಕೊಂಡರು. ತಡರಾತ್ರಿ ಸಾಂಪ್ರದಾಯಿಕ ಕಟ್ಟಳೆಗಳ ಪ್ರಕಾರ ಶಾರದಾ ದೇವಿಯ ಜಲ ಮಾಡುವುದರೊಂದಿಗೆ ಈ ವರ್ಷದ ದಸರಾ ಹಬ್ಬಕ್ಕೆ ತೆರೆ ಎಳೆಯಲಾಯಿತು.

ವರದಿ ✍️ಸೂರಿ ಬಣಕಲ್